15 — 20-nji aprel aralygynda paýtagtymyzda şaýbaly hokkeý boýunça halkara ýaryş geçiriler. Ýaryş Aşgabadyň gözel künjeginde ýerleşýän Gyşky oýunlar sport toplumynda ýaýbaňlandyrylar. Halkara ýaryşda 10 topar çykyş edip, olar toparçalaryň ikisinde bäsleşerler.
«А» toparça
«Galkan» (Türkmenistan);
«Feniks» (Özbegistan);
«Oman Hanjars» (Oman);
«Bahreýn» (Bahreýn);
«Ice Box» (Eýran).
«В» toparça
«Orhis-Kazan» (Tatarystan, Russiýa);
«Wolat» (Belarus);
«Dordoý» (Gyrgyzystan);
«Akmola» (Gazagystan);
«Gümüş Skeýts» (Türkiýe).
Ýaryş aýlawlaýyn görnüşdäki bäsleşikden başlanar. Gatnaşyjylaryň her biri öz toparçasyndaky klublaryň ählisi bilen duşuşar. «А» we «В» toparçalaryň ýeňijileri finala çyksa, öz toparçasynda ikinji orny eýelän klublar bürünç medal ugrundaky oýunda duşuşarlar.
