8-nji tapgyryň duşuşyklary bilen Türkmenistanyň futzal boýunça naýbaşy ligasynyň ikinji aýlawyna badalga berildi.
Ilki bilen «Turanyň» we «Deňizçiniň» oýunçylary meýdança çykdylar. Duşuşyk 7: 1 hasabynda Türkmenbaşynyň halkara deňiz portunyň toparynyň peýdasyna tamamlandy.
Tapgyryň ýene bir oýnunda «Köpetdag» 4:1 hasabynda «Migrasiýadan» üstün çykdy. «Senagatbank» bolsa «Milli goşuny» 4:0 hasabynda ýeňdi. Tapgyryň soňky oýnunda «Gümrükçi» TNGIZT toparynyň derwezesine jogapsyz 4 pökgi girizdi.
8-nji tapgyrdan soňra 100 göterim netije görkezip, 24 utuk toplan Türkmenistanyň wise-çempiony «Köpetdag» öňdeligi eýeleýär. Ýurdumyzyň häzirki çempiony «Deňizçi» ondan üç utuk yzda barýar. «Senagatbank» 16 utuk bilen 3-nji orny eýeläp, yzýanyndkay bäsdeşinden iki utuk öňe saýlandy.
