2023-nji ýylyň 5-9-njy iýuny aralygynda Aşgabat şäherindäki Olimpiýa şäherjiginiň Tennis toplumynda 12 ýaşly we ondan kiçi oglan-gyzlaryň arasynda tennis boýunça Merkezi Aziýa ýurtlarynyň sebitleýin ýaryşy geçiriler. Şol halkara bäsleşigini guramaçylykly we ýokary derejede geçirmek maksady bilen, Türkmenistanyň Bedenterbiýe we sport baradaky döwlet komiteti, Türkmenistanyň Tennis federasiýasy hem-de Aziýa Tennis federasiýasy taýýarlyk işlerini alyp barýar.
Iýun aýynda guraljak synag ýaryşyna taýýarlygyň çäklerinde Aşgabat şäherindäki Olimpiýa şäherjiginiň Tennis toplumynda 12 ýaşly we ondan kiçi oglan-gyzlaryň arasynda tennis boýunça Aşgabat şäheriniň açyk çempionaty geçirilýär. 2023-nji ýylyň 1-nji maýynda bu bäsleşigiň bijeleri cekildi. 2-nji maýda ýaryşyň açylyş dabarasy geçirilip, ýaşajyk tenniçiler baýrakly orunlar ugrundaky göreşe girişdiler.
Türkmenistanyň Tennis federasiýasynyň we Aşgabat şäheriniň Bedenterbiýe we sport baradaky müdirliginiň bilelikde guran açyk çempionaty 2023-nji ýylyň 5-nji maýynda tamamlanar. Ýeňijilere, şeýle-de baýrakly orunlaryň eýelerine guramaçylar tarapyndan medallar we Hormat hatlar gowşurylar.
