«Altyn Asyr» taryhynda sekizinji gezek Türkmenistanyň Naýbaşy kubogyny gazandy.

«Nusaý» stadionynda geçen futbol boýunça Türkmenistanyň Naýbaşy kubogy ugrundaky duşuşyk paýtagtymyzyň «Altyn Asyry» bilen Balkanyň «Şagadamynyň» arasynda geçdi.

Balkan welaýatynyň toparyndan Kerim Hojaberdiýew 3-nji minutda hasaby açdy. 32-nji minutda bellenen 11 metrlik jerime urgusyny Myrat Annaýewiň dürs ýerine ýetirmegi bilen deňlik emele geldi. Duşuşygyň birinji ýarymy şu hasap bilen jemlendi. 67-nji minutda Yhlas Toýjanow «Altyn Asyry» öňe çykarsa, toparyň ýene bir goluny 76-njy minutda Altymyrat Annadurdyýew geçirdi. Futbol janköýerleriniň köp sanlysyny jemlän duşuşyk «Altyn Asyryň ýeňşi bilen jemlendi—3:1.