2022-nji ýylyň 17-nji awgustynda Konýada dowam edýän V Yslam raýdaşlygy oýunlarynda kikbokçylaryň medallar ugrundaky göreşi başlady. Bu bäsleşikde Türkmenistanyň kikboks boýunça milli ýygyndysynyň türgeni Hajymyrat Geldimämmedow ýaryşy bürünç medal bilen tamamlady.
Aşgabat şäheriniň Sport we ýaşlar syýasaty Baş müdirliginiň 1-nji sport mekdebiniň boks boýunça tälimçi-mugallymy Hajymyrat Geldimämmedow 86 kilograma çenli agram derejesinde ýaryşa goşulyp, azerbaýjanly, türkiýeli we özbegistanly bäsdeşleri bilen güýç synanyşdy.
Türkmenistanyň ýygyndysy V Yslam raýdaşlygy oýunlarynda sportuň 10 görnüşi boýunça çykyş etdi.
