Türkmenistanly agyr atletikaçy Dawranbek Hasanbaýew (96 kg) V Yslam raýdaşlygy oýunlarynda 96 kilograma çenli agram derejesinde çykyş edip, silterläp götermekde 165 kilogram görkeziji bilen kümüş medalyň eýesi boldy.
Dawranbek Hasanbaýew itekläp götermekde 183 kilogram netije görkezip, 5-nji orny eýelese, umumylykda 348 kilogramyň hötdesinden gelip, 4-nji orna düşdi.
96 kilograma çenli agram derejesinde medallar ugrunda Türkmenistana, Saud Arabystana, Eýran Yslam Respublikasyna, Özbegistana, Gazagystana hem-de Sudana wekilçilik edýän türgenler özara güýç synanyşdylar.
Türkiýe Respublikasynyň Konýa şäherinde 8-nji awgustdan bäri dowam edýän V Yslam raýdaşlygy oýunlary 18-nji awgustda tamamlanar.
