Madridiň «Realy» taryhda bäşinji gezek UEFA-nyň Naýbaşy kubogyny eýeledi. Helsinkiniň (Finlýandiýa) Olimpiýa stadionynda geçirilen oýunda Çempionlar ligasynyň häzirki ýeňijisi 2:0 hasabynda «Aýntrahtdan» üstün çykdy.

UEFA-nyň Naýbaşy kubogy Çempionlar ligasynyň we Ýewropa ligasynyň ýeňijisiniň arasynda oýnalýar. Madridiň «Realy» 2022-nji ýylda Çempionlar ligasynyň finalynda «Liwerpuly» 1:0 hasabynda ýeňdi. «Aýntraht» bolsa finalda «Reýnjersden» oýundan soňky jerime urgulary arkaly üstün çykdy (1:1; 5: 4).

Umuman alanyňda, 24 dürli topar UEFA-nyň Naýbaşy kubogyna eýelik edipdir. Olaryň iň köp kubok gazanany Ispaniýanyň «Barselonasy», Madridiň «Realy» we Italiýanyň «Milandyr.  Ady agzalan toparlaryň hersi 5 gezek Naýbaşy kubok gazanmagy başarypdyr. 

«7/24.tm»