Türkiýe Respublikasynyň Konýa şäherinde V Yslam Raýdaşlygy oýunlary başlandy. Oýunlaryň açylyş dabarasynda ýaşyl Tugumyzyň astynda tomaşaçylaryň öňünden geçen türkmen wekiliýeti iri sport baýramçylygyna ykjam taýýarlykly geldi.
Ýeri gelende bellesek, oýunlara türkmen türgenleriniň uly topary gatnaşýar. Türkmenistanly türgenler bu ýerde sportuň dzýudo, karate-do, kikboksing, suwda ýüzmek, erkin we grek-rim göreşleri, 3x3 basketbol, ýeňil atletika, ýaý atmak we agyr atletika görnüşleri boýunça çykyş edýärler.
Oýunlarda çykyş edýän dzýudo boýunça milli ýygyndy toparymyzy Aksoltan Hojageldiýewa, Narjemal Ömirowa, Saýara Rozyýewa, Gözel Nowruzowa, Zülhumar Daşkinowa, Hakberdi Jumaýew, Aýbek hem-de Daýanç Omirowlar, Hekim Agamämmedow, Serdar Rahimow we Mämedaly Açyldyýew dagy düzýär. Atageldi Akyýew, Esenbaý Ýazmedow, Baýry Baýryýew, Dawut Nazmyradow, Baýram Ýalkabow, Didar Babaýew, Rasul Atajanow, Selbi Rozybaýewa hem-de Aýgül Esenowa dagy karate-do boýunça çykyş edýär. Kikboksing boýunça ýygyndy toparymyza Eziz Meredow, Atajan Atamyradow, Omargeldi Nurgeldiýew, Ýalkap Aşyrmyradow, Muhammet Altybaýew, Goçmyrat Jumanyýazow, Islam Rahmetow, Serdar Mämmedow wekilçilik edýär. Şol görnüşden ringe çykjak ussatlarymyzyň hatarynda Döwlet Ýuldaşewiň, Said Fakirowyň, Mekan Begmämmedowyň, Ýazberdi Paýanowyň, Akmyrat Akyýewiň, Hajymyrat Geldimämmedowyň, gyzlardan bolsa Gülzada Jorakulyýewanyň bardygyny hem bellemelidiris.
Ildeşlerimiziň bäşisi – Merdan Ataýew, Darýa Semýonowa, Musa Žalaýew, Batyr Täçmyradow we Agajan Joraýew dagy suwda ýüzmekden toplan tejribelerini iri sport baýramçylygynda peýdalanýar.
Erkin göreş boýunça ýaryşlara Kerim Hojakow, Mekan Orazow, Atamyrat Çarlyýew, Döwletmyrat Orazgylyjow, Şatlyk Hemelýaýew, Zyýamuhammet Saparow, Laçyn Agamyradowa, Oguljan Egemberdiýewa, Jemal Öwlýakulyýewa ýaly ussatlarymyz çykýar. Umit Durdyýew, Azatjan Açilow, Begmyrat Nobatow, Toýly Orazow, Şyhazberdi Öwelekow, Aýbegşazada Kürräýew ýaly pälwanlarymyz bolsa grek-rim göreşinden bäsleşer. Aýna Gokowa, Leýla Halilowa, Nigýara Nagiýewa, Dilfuza Azizowa, Ýewgeniý Nazipow, Merdan Hojamedow, Alihan Bekçanow we Kerim Mämmetmyradow basketbol boýunça ýygyndy toparlarymyzy emele getirýär. Walentina Meredowa, Mergen Mämmedow, Alişer Sadulaýew, Irina Welihanowa, Jennet Muhamowa dagy ýeňil atletikanyň dürli görnüşleri boýunça bäsleşiklere goşulsa, ýaý atmak görnüşinden guraljak ýaryşa Wepa Sähedow çykýar.
Agyr atletika boýunça türkmen toparyna Bägül Berdiýewa, Kristina Şermetowa, Ýulduz Jumabaýewa, Gülnabat Kadyrowa, Aýsoltan Toýçyýewa hem-de Sangiza Bagtyýarowa ýaly gyzlar wekilçilik edýär. Ihtiýor Matkarimow, Hydyrberdi Ýagmyrow, Muhammet Döwranow, Şatlyk Şöhradow, Dawranbek Hasanbaýew hem-de Hojamuhammet Toýçyýew bolsa öz agramlarynda agyrlygy boýun egdirmegiň sungaty boýunça iň güýçli türgenleriň garşysyna çykýarlar.
«Türkmen sporty» gazeti.
