Bilýard sporty kiý bilen oýnalýan sport görnüşidir. Bilýard sporty öz içine mata bilen örtülen stoluň üstünde kiýi ulanyp oýnalýan oýunlary alýar. Kiý stoluň üstündäki şarlary urmak üçin ulanylýar. 

Kiý bilen ýapyk binada oýnalýan ähli sport görnüşleri açyk meýdanda taýak we top bilen oýnalýan görnüşlerden gelip çykdy diýen pikir bar. Maglumatlara görä, 1461-1483 ýyllarda höküm süren Fransiýanyň koroly Lui XI ilkinji ýapyk binada ýerleşdirilen bilýard stolunyň eýesi bolupdyr. Bilýard oýny barada Wilýam Şekspiriň eserlerinde bellenilýar. Bilýard oýnuna höwesjeňleriň arasynda Mosart, Immanuel Kant, Napoleon, Awram Linkoln, Mark Twen, Jorj Waşington, Çarlz Dikkens we Lýuis Kerrol dagylary bellemek gerek.