Siziň hemmäňizi ýetip gelen 2020-nji ýyl mynasybetli tüýs ýürekden gutlaýarys, hem-de size berk jan saglyk, gülläp ösüş we uly üstünlikler arzuw edýäris.

Hormatly Prezidentimiz tarapyndan durmuşa geçirilýän içeri we daşary syýasat, Türkmenistana halkymyzyň ýaşaýyş-durmuş derejesini ýokarlandyrmaga, şol sanda täze sport desgalaryny gurmaga, milli ýaryşlary geçirmäge hem-de türgenlerimiziň ýurdumyzyň çäginden daşarda geçirilýän ýaryşlara gatnaşmagyna gönükdirilen ägirt uly işleri durmuşa geçirmäge mümkinçilik berýär.

Biz täze 2020-nji ýylda hem «Türkmenistan Sport» halkara žurnalynyň hem-de Türkmenistanyň Sport we ýaşlar syýasaty ministrliginiň resmi saýtynyň sahypalarynda Türkmenistanyň sport durmuşy, milli birinjilikler we halkara ýaryşlary, türkmen türgenleriniň gazanan sport üstünlikleri hem-de görkezen ýokary netijeleri barada yzygiderli, gyzgyny bilen habar bermäge çalyşarys.

Bu gün Türkmenistanyň sport dünýäsi 2020-nji ýylda Tokio-da geçjek Tomusky Olimpiýa oýunlaryna sabyrsyzlyk bilen garaşýar. Türgenlerimize sportuň, juwanlygyň hem-de parahatlçylygyň bu bütindünýä forumynda täze üstünlikleri arzuw edýäris. Size täze 2020-nji ýylda ähli ýagşy dilegleriňiziň, arzuw-islegleriňiziň hasyl bolmagyny arzuw edýäris.

www.msy.gov.tm