Türkmenistanyň Futbol federasiýasynyň maslahatlar zalynda Aziýa Futbol konfederasiýasynyň fiziki taýýarlyk boýunça tälimçiler üçin okuwynyň resmi taýdan açylyşy boldy.

Oňa futzal boýunça Türkmenistanyň çempionatyna gatnaşýan toparlaryň tälimçileri bilen bir hatarda çagalar-ýetginjekler toparlarynyň tälimçileri hem gatnaşýarlar. Okuwa AFK-nyň eýranly hünärmeni Sadeh Amani Şalamzari ýolbaşçylyk edýär. Okuwyň barşynda hünärmen tälimçiler bilen öz iş tejribesini paýlaşar hem-de olara fiziki taýýarlygy şahsy hem-de toparlaýyn hereketleriň işläp taýýarlanylyşy bilen nähili baglanyşdyrmalydygyny düşündirer.

Okuw 25-nji noýabra çenli dowam eder. Ol nazaryýet we amaly sapaklary öz içine alýar. Okuwy tamamlap, geçilen sapaklar boýunça synaglardan üstünlikli geçen tälimçiler AFK-nyň fiziki taýýarlyk boýunça Level 1А halkara sertifikatynya eýe bolarlar.