Türkmenistanyň Sport we ýaşlar syýasaty ministrliginiň we Türkmenistanyň Milli Olimpiýa komitetiniň çagyrmagy bilen Aziýanyň ot üstündäki hokkeý federasiýasynyň halkara ýaryşlary guramak boýunça hünärmeni Ali Zahidi Aşgabada geldi.

Bu tejribeli tälimçiniň gatnaşmagynda tälimçileriň we türgenleriň arasynda 15-18-nji noýabr aralygynda okuw maslahaty geçirilýär.

Okuwlar nazary we amaly görnüşde geçirilip, sapaklaryň nazary bölümine tälimçileriň 40-sy gatnaşýar. Amaly sapaklara bolsa 40 tälimçi bilen birlikde türgenleriň 40-sy gatnaşýar.

Şu gün 16-njy noýabrdaky okuwlar Ýaş Olimpiýaçylary taýýarlaýyş mekdebinde geçirildi. Ertir 17-nji noýabrda bolsa Ýöriteleşdirilen küşt-şaşka mekdebinde okuwlar guralar. 18-nji noýabrda bolsa diňe nazary sapaklar geçirilip, okuwlar jemlener.

Allanur ÇARYÝEW,

«Türkmen sporty» gazeti.