Golaýda paýtagtymyzdaky «Galkynyş» bedenterbiýe-sagaldyş toplumynda XI Milli Spartakiadanyň çäklerinde sportuň futzal görnüşi boýunça ýaryş geçirildi.
«Türkmenistan» Ýaşlar bedenterbiýe sport guramasynyň guramagynda geçirilen ýaryşa ýörite orta hünär we başlangyç hünär okuw mekdepleriniň talyplaryndan ybarat toparlar gatnaşdy.
Netijede Aşgabat gurluşyk OHOM-niň « Mermer» we Söwda başlangyç hünär okuw mekdebiniň «Rowaç» toparlary ýaryşyň finalyna çykmagy başardylar.
Gyzykly geçen final duşuşygynyň birinji ýarymy 1:1 hasabynda tamamlandy. Arakesme wagtynda «Mermer» toparynyň tälimçisi Nurmyrat Gurbangeldiýew, Aşgabat gurluşyk OHOM-niň sport işleri boýunça usulyýetçisi Bazar Allakow dagy şägirtlerini ýeňşe ruhlandyrdylar.
Ikinji ýarymda bu toparyň talyplary garşydaşlarynyň derwezesine jogapsyz dört top geçirdiler we nobatdaky gezek ýeňiji bolmagy başardylar.
«Ýaşlyk» toparyny ýeňen «Dokmaçy» topary bu gezek üçünji orny eýeledi.
«Türkmen sporty» gazeti (28.09.2019)
