24 — 26-njy mart aralygynda stol tennisi boýunça Lebap welaýatynyň açyk birinjiligi geçirildi. Oňa welaýatyň sport mekdeplerinde hem-de umumybilim berýän orta mekdeplerinde bilim alýan ýetginjek hem-de ýaş türgenler toparlary gatnaşdy.
Oglanlaryň arasynda guralan toparlaýyn bäsleşiklerde 1-nji orna Türkmenabat-1 topary, 2-nji orna Türkmenabat-2, 3-nji orna Dänew etabynyň topary mynasyp boldy.
Gyzlaryň arasynda guralan toparlaýyn bäsleşiklerde 1-nji orny Dänew etrabynyň topary, 2-nji orny Farap etrabynyň topary we 3-nji orny Türkmenabat 1 topary eýeledi.
Açyk birinjiligiň çäklerinde 2008 — 2011-nji ýyllarda doglan oglanlaryň arasynda guralan şahsy birinjilikde 1-nji orny Saýat etrabyndaky 1-nji sport mekdebiniň türgeni Ilaman Weliýew, 2-nji orny Saýat etrabyndaky 1-nji sport mekdebiniň türgeni Jora Gurbandurdyýew, 3-nji orny Türkmenabat şäherindäki 6-njy sport mekdebiniň türgeni Atabek Kurbanbaýew eýeledi.
2008 — 2011-nji ýyllarda doglan gyzlaryň arasynda guralan şahsy birinjilikde 1-nji orna Dänew etrabyndaky 7-nji sport mekdebiniň türgeni Selbi Babajanowa, 2-nji orna Farap etrabyndaky 58-nji orta mekdebiň okuwçysy Leýla Zufarowa, 3-nji orna Dänew etrabyndaky 7-nji sport mekdebiniň türgeni Manzura Bahramjanowa mynasyp boldy.
2012 — 2014-nji ýyllarda doglan oglanlaryň arasynda guralan şahsy birinjilikde 1-nji orny Türkmenabat şaherindäki 6-njy sport mekdebiniň türgeni Arslan Sapaýew, 2-nji orny Dänew etrabyndaky 7-nji sport mekdebiniň türgeni Guwanç Bahramjanow, 3-nji orny Türkmenabat şäherindäki 6-njy sport mekdebiniň türgeni Timur Allaýarow eýeledi.
2012 — 2014-nji ýyllarda doglan gyzlaryň arasynda guralan şahsy birinjilikde 1-nji orna Türkmenabat şäherindäki 6-njy sport mekdebiniň türgeni Enejan Haidowa, 2-nji orna Dänew etrabyndaky 7-nji sport mekdebiniň türgeni Jemal Muradowa, 3-nji orna Döwletli etrabyndaky 3-nji sport mekdebiniň türgeni Jemal Muradowa mynasyp boldy.
Açyk çempionata gatnaşan iň körpe ýaşdaky türgenleriň çykyşlary hem gyzyklylygy bilen özüne çekdi. Şeýlelikde 2015 — 2016-njy ýyllarda doglan oglanlaryň arasynda guralan birinjilikde Türkmenabat şäherindäki 6-njy sport mekdebiniň türgeni Salih Kurbanbaýew 1-nji orny, Farap etrabyndaky 58-nji orta mekdebiň okuwçysy Ruslan Muradow 2-nji orny, Dänew etrabyndaky 4-nji sport mekdebiniň türgeni Bahtiýar Hemraýew 3-nji orny eýeledi.
Şonuň ýaly-da 2015 — 2016-njy ýylda doglan gyzlaryň arasynda geçirilen şahsy birinjilikde Türkmenabat şäherindäki 6-njy sport mekdebiniň türgeni Aknur Hydyrowa 1-nji orna, Döwletli etrabyndaky 1-nji sport mekdebiniň türgeni Elwan Taganowa 2-nji orna, Dänew etrabyndaky 7-nji sport mekdebiniň türgeni Bahar Wepaýewa 3-nji orna mynasyp boldy.
Madina MAHMUDOWA,
Lebap welaýatynyň Döwletli etrabyndaky 3-nji sport mekdebiniň tälimçi mugallymy, etrabyň stol tennisi boýunça baş treneri.
