Türkmen paýtagtynda dowam edýän «Aşgabat Open 2024» halkara tennis ýaryşynda Ýewropanyň we Aziýanyň 12 ýurdundan gelen 14 ýaşa çenli oglanlaryň we gyzlaryň arasynda jübütleýin derejedäki ýaryşlar başlandy.
Ýetginjek oglanlaryň arasynda göreş maksatnamasynyň bu görnüşinde iň güýçli diýen ada 16 jübüt dalaş edýär, olar ýeňşe bolan ägirt uly erkliligi görkezýärler. Bu babatda oýunlaryň üçüsi has göreldeli oýnalyp, olardan ikisi has gyzykly tamamlandy. Şeýlelikde, olaryň birinjisinde birinji belgidäki Süleýman Hudaýberdiýew we Emirhan Rustamow gysgaldylan oýun tapgyrynda garaşylmadyk ýagdaýda ildeşleri Nazar Amangeldiýewden we Kerimgeldi Welibegowdan dereje boýunça 6:2, 1:6, 10:5 hasaplar bilen utuldylar. Ikinji oýny bolsa 3-nji belgidäki Keýmir Annaýew we Ylýas Mämmetgulyýew tomaşaçylary geň galdyran ýagdaýda malaýziýaly jübüt Garet Lim Hao Çže bilen Džeýkob Wonga 1:6, 1:6 hasap bilen utdurdylar.
Malaýziýaly tennisçileriň yzysüre internassional jübüt Seýran Delakow (Türkmenistan) bilen Muhammad Ermatow (Özbegistan) ýeňşe bolan erk-ygtyýarlylygy görkezdiler, olar jübütler Efe Daniel Akar (Türkiýe) bilen Guwanç Döwletowyň (Türkmenistan) garşysyna erjel göreşde 7:6(3), 6:4 hasaplar bilen ýeňiş gazandylar we dörtden bir finala çykdylar.
Dörtden bir finala şeýle hem türkmen jübütleri Ýunus Annamyradow bilen Aly Geldiýew (ikinji belgidäki jübüt), Begençgeldi Hümmedow bilen Gowşut Söýünow, Eýupbeg Atajanow we Alyryza Meredow, şeýle-de internassional jübütler Raşid Aldžesmi (BAE) bilen Aýman Hammude (Iordaniýa), şeýle-de dördünji belgidäki Ýaroslaw Bobrow (Gazagystan) bilen Muhammetsapa Serdarow (Türkmenistan) dagy çykdy.
Gyzlaryň jübütleýin derejesinde baýrakly orunlara 14 jübüt dalaş edýär, bu oýunlarda aýratyn gyzykly wakalar bolup geçmedi. Oýun gününiň jemleri boýunça dörtden bir finala türkmen jübütlerinden Aýnur Agamyradowa bilen Jennet Orazaliýewa (dördünji belgide), Selbi Altyýewa bilen Imiliýa Kambarowa, Leýli Esenowa bilen Anna Pnýatowa, Wiktoriýa Kurbaýewa bilen Mähri Mämmedowa, Eýrandan gelen tenniççi gyzlar Mahra Prniýan bilen Şaýly Sawah we üçünji belgidäki internassional jübüt Sülgün Işankuliýewa (Türkmenistan) bilen Safiýa Şaripowa (Özbegistan) çykdylar . Ýene-de Türkmenistandan birinji iki jübüt Ilima Güseýnowa/Aýlara Kakabaýewa bilen Aýnur Annamyradowa/Näzli Hudaýkuliýewa, şowly bije sebäpli, göreşsiz dörtden bir finala çykdylar.
