23-nji noýabrdan 28-nji noýabr aralygynda Türkmenistanyň paýtagtynda Kuraş boýunça 14-nji dünýä çempionaty geçiriler. Halkara ýaýlym merkeziniň binasynda Magtymguly adyndaky Türkmen Döwlet uniwersitetiniň we Döwletmämmet Azady adyndaky Türkmen milli dünýä dilleri institutynyň talyplary ýetip gelýän Kuraş boýunça dünýä çempionatyna teswir bermäge taýýarlanýarlar. Talyplara ýurdumyzyň öňdebaryjy teswirçi hünärmenleri sapak berýärler.
Gujurly ýaşlaryň esasy halypasy “Sport” teleýaýlymynyň tejribeli teswirçisi Ýunus Annaýewdir. 20-den gowrak talyplara üç dilde düşündiriş usullary öwredilýär. Arkadag Serdarly bagtyýar ýaşlarýylynda bu çäre ýurdumyzyň ýaşlarynyň arasyndan täze zehinleri kesgitlemäge kömek eder.
