«Ahal» topary futbol boýunça Türkmenistanyň Kubogyny eýeledi.

Paýtagtymyzdaky «Nusaý» stadionynda geçirilen final duşuşygynda «Ahal» «Şagadamdan» 5:0 hasabynda üstün çykmagy başardy.

 Ýeri gelende bellesek, «Ahal» topary taryhynda dördünji ýola ýurdumyzyň Kubok bäsleşiginde ýeňiji boldy. Topar mundan öň 2013-nji, 2014-nji hem-de 2017-nji ýyllarda ýurdumyzyň Kubok bäsleşiginde ýeňiş gazanypdy.

 «Ahal» topary finala barýan ýolda «Merw» bilen «Altyn Asyr» toparlaryny, «Şagadam» bolsa «Energetik» hem-de «Aşgabat» toparlaryny ýeňmegi başarypdy.

 «Ahal» toparynyň wagtyndan öň ýurdumyzyň futbol çempionatynda ýeňiji bolandygy bellärliklidir. «Ahal» bu abraýa taryhynda ilkinji gezek mynasyp boldy.

«Türkmen sporty» gazeti.