Türkmenistanyň futbol çempionatynyň 9-njy tapgyrynyň jemleýji duşuşygynda çempionlyk ugrundaky göreşiň esasy dalaşgärleri «Ahal» bilen «Altyn asyr» duşuşdy.
«Aşgabat» köpugurly stadionynda geçirilen duşuşykda «Altyn asyr» 2:1 hasabynda ýeňiş gazandy. «Altyn asyra» ýeňiş getiren gollary Myrat Annaýew bilen Altymyrat Annadurdyýew tora saldy.
Şeýlelikde, geçirilen duşuşyklardan soň 21 utuk toplan «Altyn asyr» ýaryş tablisasynda öňdäki orna geçmegi başardy. Ikinji orny eýeleýän «Ahal» 18 utuk toplady. 17 utugy bolan «Şagadam» üçünji basgançagy eýeleýär.
Ýurdumyzyň futbol çempionatynyň 10-njy tapgyrynyň duşuşyklary 3-nji dekabrda geçirilip, onda «Merw» – «Aşgabat», «Altyn asyr» – «Şagadam», «Nebitçi» – «Köpetdag» hem-de «Energetik» – «Ahal» toparlary duşuşarlar.
