Softbol Olimpiýa oýunlaryny açdy

2021-nji ýylyň 21-nji iýulynda, ýagny Ýaponiýanyň paýtagty Tokioda geçirilýän Olimpiadanyň resmi açylyşyna 2 gün galanynda ilkinji ýaryşlar başlandy. Fukusime şäherinde softbol boýunça ilkinji duşuşyklar geçirildi. Şol oýunda Ýaponiýa Awstraliýany 8:1 hasabynda ýeňmegi başardy.

21-nji iýulda softbol boýunça başga-da birnäçe duşuşyklar geçirildi. şeýle-de zenanlaryň arasyndaky futbol boýunça bäsleşiklere badalga berildi.

1996-njy ýyldan bäri ilkinji gezek Olimpiýa oýunlary futbol bilen açylmady. Softbol — beýsboluň bir görnüşi bolup, ol has ýumşak top bilen oýnalýar hem-de urgy taýaklary uzyn bolýar. Beýsboldan tapawutlylykda softbol 7 bölümden ybaratdyr.

 Softbol 1996-2008-nji ýyllarda hem Olimpiadalaryň maksatnamasyna girizilipdi.  Ýöne 2024-nji ýylda Parižde geçiriljek oýunlarda softbol bäsleşigi bolmaz – diýip, Halkara Olimpiýa komitetiniň resmi saýtynda habar berilýär.

«7/24.tm»