2021-nji ýylyň 22-nji iýunynda geçirilen “Türküstan – Türk dünýäsiniň hüwdisi” atly Halkara ýaş liderleriň maslahatyna wideoaragatnaşyk arkaly Türkmenistanyň Sport we ýaşlar syýasaty ministrliginiň, şeýle hem Türkmenistanyň Magtymguly adyndaky Ýaşlar guramasynyň wekilleri gatnaşdylar. Bu Forum Gazagystan Respublikasynyň maglumat we jemgyýetçilik ösüşi ministrliginiň goldamagynda guraldy. 
2021-nji ýylyň 31-nji martynda Gazagystan Respublikasynyň prezidentiniň ýolbaşçylygynda geçirilen Türki dilli hyzmatdaş döwletleriň Geňeşiniň resmi däl sammitinde Gazagystan Respublikasynyň Türkistan şäheri “Türk dünýäsiniň medeni paýtagty” diýip yglan edilendigi barada www.toppress.kz web-saýty habar berýär.