«Bawariýanyň» hüjümçisi Robert Lewandowskiý täsin baýragyň eýesi boldy. Ol «Lego» konstruktor oýunjagy boýunça düzülen «Altyn topa» eýe boldy. Bu baýragy oňa polşaly rep aýdymçysy Quebonafide gowşurdy diýlip bellenilýär.

«France Football» neşiriniň 2020-nji ýylyň netijeleri boýunça «Altyn topy» hiç kime gowşurmazlygy karar edendigini ýatladýarys.

Lewandowskiniň bu baýragy almak üçin dalaşgärleriň arasynda öňdebaryjylaryň biri bolandygyny hem bellemek gerek. Dünýäniň iň güýçli futbolçysyna berilýän «France Football» neşiriniň bu baýragy 1956-njy ýyldan bäri gowşurylýar.

2010-njy ýyldan 2015-nji ýyla çenli  aralykda «Altyn pökgi» FIFA-nyň saýlaýan ýylyň iň gowy oýunçysy üçin baýrak bilen birleşdirildi.