Türkmenistanyň hemişelik Bitaraplygynyň şanly 25 ýyllygy mynasybetli sportuň Ýeňil atletika görnüşi boýunça geçirilen Türkmenistanyň açyk çempionaty tamamlandy. Türkmenistanyň Sport we ýaşlar syýasaty ministrliginiň, Aşgabat şäher häkimliginiň, şeýle-de, ýurdumyzyň Ýeňil atletika federasiýasynyň bilelikde guran çempionatyna Türkmenistanyň döwlet ätiýaçlandyryş guramasy hemaýatkärlik etdi.

Paýtagtymyzyň Olimpiýa şäherçesiniň Ýeňil atletika toplumynda geçen ýaryşda Gasanbekow Bagrat (uzynlygyna bökmek), Welihanowa Irina (uzynlygyna bökmek), Sadulaýew Alişer (60m ylgamak), Meredowa Walentina (60m ylgamak), Öwezow Elnur (200m ylgamak), Esedowa Enejan (200m ylgamak), Orazow Aganepes (400m ylgamak), Bersenýowa Kristina (400m ylgamak) dagylar baýrakly orunlary eýelediler.

Ýeňijilere guramaçylar tarapyndan gymmat bahaly sowgatlar gowşuryldy.

«7/24.tm» hepdelik elektron goşundysy.