Golaýda Türkmenistanyň Sport we ýaşlar syýasaty ministri bilen Germaniýa Federatiw Respublikasynyň Türkmenistandaky Adatdan daşary we Doly ygtyýarly Ilçisi jenap Naýthart Höfer-Wissing arasynda wideo aragatnaşyk arkaly duşuşyk geçirildi.
Duşuşykda hormatly Prezidentimiziň ýurdumyzyň her bir raýatynyň sportuň görnüşleri bilen meşgullanmagy üçin döredip berýän mümkinçilikleri dogrusynda gürrüň edildi.
Wideo aragatnaşyk arkaly guralan maslahatda iki ýurduň arasynda sport we ýaşlar syýasaty boýunça ikitaraplaýyn hyzmatdaşlygy ösdürmek meseleleri ara alyp maslahatlaşyldy. Şeýle-de, döwletleriň arasynda ikitaraplaýyn gatnaşyklary ýola goýmak ugrunda ýerine ýetirilmeli işlere garaldy.
