«Türkmenistan — ruhubeletligiň we sagdynlygyň ýurdy» atly  XII sport ýaryşy bu ýyl hem ýokary guramaçylykda geçirilýär. Sportuň dürli görnüşleri boýunça guralýan ýaryşlary özünde jemleýän bu bäsleşik her ýyl täze ezber türgenleri öňe çykarýar. Ine, golaýda sportuň futbol görnüşi boýunça geçirilen ýaryşyň ýeňijileri hem belli boldy.

Ýokary okuw mekdepleriniň arasynda guralan XII Uniwersiadada oglanlardan düzülen toparlaryň arasynda futbol boýunça Türkmen döwlet bedenterbiýe we sport institutynyň «Talyp sport» topary 20 toparyň arasyndan baýrakly orna mynasyp bolmagy başardy. 

Türkmenistanyň orta hünär okuw mekdepleriniň talyplarynyň arasynda futbol boýunça geçirilen XII Spartakiada 10 topar işjeň gatnaşdy. Ýaryşyň netijesinde Aşgabat şäheriniň Syýahatçylyk orta hünär okuw mekdebiniň oglanlar topary baýrakly orna mynasyp bolup ýeňişini baýram etdiler.

Aşgabat şäheriniň orta mekdepleriniň okuwçylarynyň arasynda geçirilen XII Spartakiada hem ýurdumyzyň dürli etraplarynyň okuwçylaryndan düzülen birnäçe toparlar gatnaşdylar. Çekeleşikli dowam eden ýaryşyň jemi boýunça hem etrabyň ýeňijileri belli boldy.

Gülälek GAJYÝEWA,

Türkmenistanyň Sport we ýaşlar syýasaty ministrliginiň «Ýaşlar syýasaty we köpçülikleýin sport çäreleri» bölüminiň esasy hünärmeni.