Türkmenistanyň hemişelik Bitaraplygynyň şanly 25 ýyllygy mynasybetli 2020-nji ýylyň 28-31-nji oktýabry aralygynda Olimpiýa şäherjiginiň Welotrek sport toplumynda geçirilen welotrek boýunça Türkmenistanyň açyk çempionaty üstünlikli tamamlandy.
Welotrek sportunyň git görnüşi boýunça (1000 metr) Saýlaw Gylyjow, welotrek sportunyň yza galan çykdy görnüşi boýunça (toparlaýyn start) Arazmuhammet Nurmedow, welotrek sportunyň sprint görnüşi boýunça Mahmyt Aşyrow we welotrek sportunyň yzarlap sürmek görnüşi boýunça (ýekeleýin start) Gadam Köşiliýew ýeňiji boldy.
Welotrek sportunyň görnüşlerinde ýeňiji bolan türgenlere guramaçylar tarapyndan sowgatlar we hormat hatlary gowşuryldy.
Welotrek boýunça Türkmenistanyň açyk çempionaty 2021-nji ýylda Aşgabatda geçiriljek dünýä çempionatyna taýýarlygyň bir tapgyry bolup, türkmenistanly türgenler iri halkara bäsleşiginden öňünçä öz mümkinçiliklerini synap gördüler.
