Türkmenistan Birleşen Milletler Guramasynyň Baş Assambleýasy tarapyndan «Türkmenistanyň hemişelik Bitaraplygy» barada taryhy kararnamanyň kabul edilmeginiň 25 ýyllyk şanly senesine bagyşlanan dabaralara ynamly gadamlar bilen barýar.

Türkmenistanyň Sport we ýaşlar syýasaty ministrligi, sport federasiýalary bilen bilelikde Garaşsyz, Bitarap Türkmenistanyň taryhyndaky bu şanly senäniň baýramyna bagyşlap, dürli ýaryşlary guraýar, çempionatlary geçirýär. Türkmenistanyň hemişelik Bitaraplyk derejesiniň 25 ýyllygyna bagyşlanyp geçirilýän ýaryşlaryň aglabasynyň sportuň olimpiýa görnüşleri boýunça geçirilýändigini guwanç bilen bellemek bolar.

Baýramçylygyň öňüsyrasyndaky bu günlerde türkmenistanlylaryň köpüsi stadionlarda hem-de köpugurly sport merkezlerinde geçirilýän çekeleşikli ýaryşlara şaýat bolýarlar.

www.msy.gov.tm