Türkmenistanyň milli futzal ýygyndysy şu günler Aziýa çempionatyna taýýarlyk görýär. Fewral aýynyň 26-syna başlanjak ýaryşlara gatnaşmak üçin seçilip alnan oýunçylar 2020-nji ýylyň ilkinji günlerinden taýýarlyk işlerini ýokary depgin bilen dowam edýärler.
Türkmenistanyň milli futzal ýygyndysynyň horwatiýaly baş tälimçisi Robert Grdowiç Türkmenistanyň futbol federasiýasynyň metbugat sekretary Orazgeldi Geldiýew bilen söhbetdeşlikde öňde duran taýýarlyk işleri barada gürrüň berdi.
Baş tälimçiniň aýtmagyna görä, milli ýygyndy ýanwar aýynyň ahyryna çenli Aşgabat şäherindäki Olimpiýa şäherçesinde okuw-türgenleşik işlerini dowam eder, Şondan soňra Türkmenistanyň milli futzal ýygyndysy okuw-türgenleşik işlerini geçirmek üçin Birleşen Arap Emirliklerine ugrar.
