Taekwondo sporty söweş tärleri, öz-özüňi goramak başarnyklary, fiziki ukyplylyk, meditasiýa we pelsepe ýaly aýratynlyklary öz içine alýar. Taekwondo bedeni fiziki taýdan, ýagny güýji, tizligi, deňagramlylygy, çeýeligi we çydamlylygy ösdürýär. Taekwondo sportunda aýak bilen urgulara has köp üns berilýär.

Taekwondo karate hem hytaý söweş sungatynyň aýratynlyklaryny we Koreýanyň başa-baş söweş sungatlaryny (taekkyeon, subak we gwonbeop) özünde jemläp, 1940-njy, 1950-nji ýyllaryň dowamynda döredildi. 

Dünýa taekwondo guramasy 1973-nji ýylda Koreýanyň taekwondo assosiasiýasy tarapyndan esaslandyrylyp, Olimpiýa oýunlarynyň maksatnamasyna 2000-nji ýylda girizildi.