Türkmenistanyň sport we ýaşlar syýasaty ministrliginiň «Olimp» orta sport mekdebinde Täze ýyl baýramy mynasybetli baýramçylyk dabarasy geçirildi.

Baýramçylyk dabarasyna Aýazbaba, Garpamyk hem-de Akpamyk gatnaşyp, onuň täsirini artdyrdy.

Geçirilen dabara «Olimp» orta sport mekdebiniň okuwçy-türgenleriniň täze ýyl baýramy mynasybetli baýramçylyk çykyşlary, degişme sahnalary, hormatly Prezidentimiziň kitaplaryndan atalar sözleri, nakyllar, tapmaçalar bilen baýlaşdyryldy. Soňra baýramçylyk dabarasyny türkmen milli tagamlaryny, işdäaçarlary taýýarlamak boýunça guralan bäsleşikler dowam etdirdi.

Soňra baýramçylyk dabarasynda 2019-2020-nji okuw ýylynyň birinji ýarym ýyllygynda diňe 5-lik bahalar bilen sap bäşlige okan okuwçylara Hormat hatlary, olaryň ene-atalaryna Minnetdarlyk hatlary gowşuruldy.

Şeýle-de, halkara ýaryşlarda ýeňiş gazanan türgenlere sylaglar, hormat hatlary gowşuryldy.

Şeýle dabara «Olimp» orta sport mekdebiniň Umumyýaşaýyş jaýynda hem geçirildi. Bu geçirilen çäre «Ýyllar düşümli gelsin, toýlar toýa ulaşsyn» ady bilen terbiýeçilik äheňinde dowam edip, täsirliligi bilen tapawutlandy.

Baýramçylyk dabaralarynyň ýokary derejede geçmeginde «Olimp» orta sport mekdebiniň Okuw we terbiýeçilik bölüminiň hem-de sport bölüminiň agzybir işgärleriniň goşandy uludyr.

www.msy.gov.tm