«FOX Sports Asia» neşiri tarapyndan Aziýanyň 2019-njy ýylyň jemi boýunça iň ökde futbolçysyny kesgitlemek maksady bilen ses berlişik geçirilýär.

Gürrüňi edilýän neşiriň geçirýän ses berlişigine diňe bir aziýaly futbolçylar däl, eýsem, Aziýa yklymynda çykyş edýän beýleki yklymlaryň wekilleri-de gatnaşdyrylýar.

Şeýlelikde, iň ökdeleriň sanawyna aziýaly futbolçylaryň 20-si goşulyp, ýene 4 futbolçy beýleki yklymlara wekilçilik edýär.

Beýleki yklymlaryň wekilleriniň fransiýaly Befetimbi Gomisden, italiýaly Sebastian Jowinkodan, braziliýaly Paulinýodan we alžirli Bagdad Bunejondan ybaratdygyny ýatladýarys.

«Titan Sports» we «FOX Sports Asia» neşirleriniň ses berlişigi 2013-nji ýyldan bäri geçirilýär. Geçen ýylky ses berlişikde koreýaly Son Hyn Min ýeňiji boldy. «Tottenhemiň» hüjümçisi 2018-nji ýylda 206 ses toplap sesleriň 29,3 göterimini aldy.