23.12.2019. Ýöriteleşdirilen küşt-şaşka mekdebiniň mejlisler zalynda Türkmenistanyň Sport we ýaşlar syýasaty ministrliginiň garamagyndaky sport desgalarynda we sport mekdeplerinde 2019-njy ýylyň jemi boýunça edilen işler ara alnyp maslahatlaşyldy.

Maslahatyň başynda Türkmenistanyň Sport we ýaşlar syýasaty ministriniň orunbasary Parahat Agaýew çykyş edip, gatnaşyjylary gün tertibindäki meseleler bilen tanyşdyrdy we öňde duran wezipeleri aýdyňlaşdyrdy.

Soňra Türkmenistanyň Sport we ýaşlar syýasaty ministrliginiň Sport mekdepleriniň işini we sport çärelerini guramak bölüminiň başlygy Eziz Garaýew çykyş etdi.

Ahal welaýat sport we ýaşlar syýasaty Baş müdirliginiň başlygynyň wezipesini wagtlaýyn ýerine ýetiriji Serdar Ataýew berlen tabşyryklaryň ýerine ýetirilişi barada hasabat berdi, şeýle-de welaýatyň sport mekdepleriniň jogapkär işgärleridir tälimçileri ýyl boýunça edilen işler bilen tanyşdyrdylar.

Maslahatyň dowamynda sport mekdepleriniň hünärmenleriniň hünärini ýokarlandyrmak we ýokary netijeleri gazanmak boýunça edilýän işler barada gürrüň edildi.

www.msy.gov.tm