23.12.2019. Halkara ýaryşlara taýýarlyk görmek, öz hünärlerine ussat türgenleri, geljekki çempionlary ýüze çykarmak maksady bilen ýurdumyzyň çäginde milli çempionatlar, ýaryşlar yzygiderli guralýar.
Aşgabat şäheriniň «Galkynyş» bedenterbiýe-sagaldyş toplumynda erkin göreş boýunça erkekleriň arasynda Türkmenistanyň kubogyny almak ugrunda ýaryş geçirildi.
Türkmenistanyň Sport we ýaşlar syýasaty ministrligi we Türkmenistanyň Sport göreş federasiýasy tarapyndan guralýan erkin göreş boýunça ýaryşa Aşgabadyň we welaýatlaryň ýygyndy toparlary gatnaşdylar.
Ýaryşyň jemleýji tapgyry 22-nji dekabrda bolup, onda guramacylar tarapyndan ýeňiji bolanlara Hormat hatlary we sowgatlar gowşuryldy.
