Göräýmäge dokma senagaty we sport aýry-aýry pudaklar bolsa-da, olaryň arasyn-da hem umumylyklar bar. Mysal üçin, türgenleriň, tälimçileriň we beýleki hünärmenleriň geýýän egin-eşiklerini, torbalaryny... bütin dünýäde bolşy ýaly, ýurdumyzda hem dok-ma senagatynyň işgärleri taýýarlaýarlar.
Golaýda gözel paýtagtymyz Aşgabatda geçirilen «Bilim we sport Berkarar dö-wletimiziň bagtyýarlyk döwründe» atly halkara sergisiniň dowamynda Türkmenistanyň wekiliýetiniň 2020-nji ýylda Tokioda (Ýaponiýa) geçiriljek dörtýyllygyň iň iri sport baýramynda – XXXII Tomusky Olimpiýa oýunlarynda geýjek lybaslarynyň tanyşdyrylyş dabaralarynda biz muňa ýene bir ýola şaýat bolduk. Bu lybaslarda ilki bilen milli äheňi duýmak-görmek bolýar. Olar ak-ýaşyl reňkde bolup, lybasyň döşüniň sag tarapyny Türkmenistanyň Döwlet baýdagy, çep tarapyny bolsa ýurdumyzyň milli Olimpiýa komitetiniň nyşany bezeýär.
Aslynda dokma senagatynda önümleriň arasynda sport lybaslary aýratyn islegden peýdalanýar. Muňa diňe bir ýurdumyzyň dürli künjeklerindäki dükanlaryň tekjelerini ýa-da türgenleriň egin-eşiklerini synlap däl, eýsem, ýaşlaryň gündelik durmuşda iri sport çärelerinde geýýän lybaslaryny synlap hem göz ýetirmek bolýar. Ine, golaýda paýtag-tymyzyň «Altyn asyr» söwda merkezinde, Türkmenistanyň Dokma senagaty ministrlig-iniň guramagynda geçirilen pasyllara görä geýmek üçin niýetlenen egin-eşikleriň görkezilişinde hem sport lybaslary bu ýere gelenlerde uly gyzyklanma döretdi.
Bu görkeziliş ýurdumyzyň dokma senagatynyň ýeten sepgitleriniň hem özboluşly beýanyna öwrülip, tamamlanyp barýan «Türkmenistan – rowaçlygyň Watany» ýylyny uly üstünliklere beslän dokma senagaty pudagynyň işgärleriniň hem täze 2020-nji ýyly uly zähmet üstünlikleri bilen garşylaýandyklarynyň nobatdaky kepili boldy.
Her gezek türkmen türgenleri şowly çykyş edip, dokma senagatynyň işgärleriniň zähmeti bilen milli äheňde taýynlanan lybaslarda hormat münberine çykanda, goşa şat-lygy başdan geçirip, bizi şeýle ajaýyp döwre, uly ösüşlere ýetiren Gahryman Arkadagymyza çäksiz alkyş aýdýarys.
«Türkmen sporty» gazeti (21.12.2019)
