2019-njy ýylyň 26-njy dekabrynda sportuň erkin göreş görnüşi boýunça Aşgabat şäheriniň kubogyny almak ugrynda ýaryş geçirler. «Galkynyş» bedenterbiýe sagaldyş toplumynda geçirilmegi meýilleşdirilen bu ýaryşda türgenler 10 agram derejesinde bäsleşerler.

Ýaryşa Aşgabat şäheriniň sport mekdepleriniň, «Olimp» orta sport mekdebiniň, Ýaş Olimpiýaçylary taýýarlaýyş sport mekdebiniň ýaş türgenleri gatnaşar. Şeýle hem bäsleşige isleg bildirýän harby we hukuk goraýjy edaralaryň türgenleri gatnaşyp biler.

Ýaryşda her agram derejesinde baýrakly orunlary eýelemegi başaran türgenlerimize Aşgabat şäheriniň sport we ýaşlar syýasaty Baş müdirliginiň Hormat hatlary, Türkmenistanyň Sport göreş federasiýasynyň we hemaýatkärleriň sowgatlary gowşurylar.

www.msy.gov.tm