Gazagystanyň paýtagty Nur-Sultan şäherinde geçirilen guşakly göreş boýunça dünýä çempionatynda Türkmenistanyň ýygyndysy altyn medallaryň üçüsine we iki sany bürünç medala mynasyp boldy. Dünýäniň 20-den gowrak döwletine wekilçilik edýän türgenleriň 200 töweregi medallar ugrunda göreşdiler.
Türkmen türgenleriniň altyn medallaryny Türkmen döwlet bedenterbiýe we sport institutynyň talyplary Abdyresul Durdyýew (62 kilograma çenli), Azymmuhammet Orazmuhammedow (68 kilograma çenli) we Türkmenistanyň Ižener tehnologika we ulag kommunikasiýalary institutynyň talyby Pälwan Gurbangeldiýew (82 kilogram) dagylar gazandy.
Döwlet bedenterbiýe we sport institutynyň talyplary Agajan Täçmuhammedow (75 kilograma çenli) bilen Jemal Öwlüýagulyýewa (65 kilograma çenli) bolsa ýaryşy bürünç medal bilen tamamladylar.
