Türkmenistanyň milli ýygyndysynyň Aziýa çempionaty – 2020-niň saýlama tapgyryna taýýarlygynyň çäginde 16-21-nji dekabr aralygynda Horwatiýada geçiriljek «Futsal Week Winter Cup – Porec 2019» kubogynda çykyş eder. Şol halkara ýaryşyna gatnaşmak maksady bilen milli ýygyndymyz Horwatiýa ugrady.
Horwatiýanyň Poreç şäheriniň «Intersport» sport toplumynda geçiriljek halkara bäsleşiginde biziň milli ýygyndymyzdan başga Bosniýa we Gersogowinanyň, Hytaýyň, Çernogoriýanyň hem-de San-Marinonyň milli ýygyndylary çykyş ederler. Milli ýygyndymyz halkara ýaryşynyň oýunlaryndan başga ýoldaşlyk duşuşyklaryny hem geçirer.
Milli ýygyndymyzyň baş tälimçisi horwatiýaly hünärmen Robert Grdowiç halkara ýaryşyna milli çempionatymyzda çykyş edýän oýunçylaryň 16-syny çagyrdy.
