2019-njy ýylyň 30-njy noýabrynda Türkmenistanyň futbol çempionatynyň Birinji ligasynda ýeňiji bolan toparlaryň sylaglanyş dabarasy geçirildi.

Jemleýji bäsleşigiň tamamlanmagyna bir tapgyr galanda «Kerwen» topary ýeňiji boldy. 

Birinji liganyň jemleýji bäsleşiginde Ahal welaýatynyň «Tejen» topary ikinji, Daşoguz welaýatynyň «Almaz» topary bolsa üçünji orunlary eýelediler.

Bäsleşikleriň dowamynda 7 sapar tapawutlanan Aziz Abdullaýew («Almaz») çempionatyň «Iň köp gol geçiren» oýunçysy diýlip yglan edildi.

Paýtagtymyzyň «Aşgabat» stadionynyň türgenleşik meýdanynda geçirilen birinjilige welaýatlarymyza hem-de paýtagtymyza wekilçilik eden toparlaryň 6-sy gatnaşdy.