Germaniýanyň Bundesligasynyň ýeňilmezek komandasy «Bawariýa» 13-nji tapgyrda öz meýdançasynda «Baýeri» kabul eder.
Adatça Germaniýada çempionyň ady kän bir üýtgemeýär. Diňe çempionlyk ugrunda göreşýän komandalaryň atlary täzelenip durýar.
Şu möwsümde «Borrusiýa» (Mýunhengladbah) bilen «Leýpsigi» öňe geçiren «Bawariýa» 12 oýundan soňra 24 utuk bilen 3-nji orunda barýar.
«Baýer» 12 oýundan soňra 19 utuk bilen 9-njy orunda barýanam bolsa, Çempionlar ligasyna gatnaşmaga hukuk berýän 4-nji orna geçmek üçin olara 3 utuk ýeterlikdir.
2019-njy ýylyň 30-njy noýabrynda sagat 22.25-de «Türkmenistan: Sport» teleýaýlymynda göni ýaýlymda görkeziljek duşuşykda komandalaryň öňde duran maksatlaryna näderejede ýetip biljekdiklerine tomaşa edip bileris.
Hojaberdi APBAÝEW,
«Türkmenistan sport» halkara žurnaly.
