2019-njy ýylyň 17-24-nji noýabry aralygynda Aşgabat şäherinde Türkmenistanyň kubogy ugrunda tennis ýaryşy geçirildi. Bu barada Türkmenistanyň tennis federasiýasynda habar berildi.
Kubok ýaryşyna Mary, Lebap, Daşoguz welaýatlarynyň we Aşgabat şäheriniň ýygyndy toparlary gatnaşdy.
Her welaýata 2007-nji ýyl we ondan uly bolan türgenler wekilçilik etdi. Bäsleşikler erkekleriň we zenanlaryň arasynda geçirildi.
Bu ýerde ýekelikde oýnamakda hem-de jübüt bolup oýnamakda tapawutlananlar guramaçylar tarapyndan gymmat bahaly sowgatlar bilen sylaglandy.
Kubok bäsleşiginiň jemleri jemlenilende Aşgabat şäheriniň türgenleriniň has netijeli çykyş edendiklerini bellemek gerek.
www.msy.gov.tm
