Sportuň dzýudo göreş görnüşi boýunça 2002-2004 we 2005-2007-nji ýyllarda doglan gyzlaryň arasynda geçirilen Aşgabat şäheriniň açyk çempionaty tamamlandy, diýip Aşgabat şäheriniň sport we ýaşlar syýasaty Baş müdirligi habar berdi.

Paýtagtymyzda geçirilen çempionata ýurdumyzyň dürli künjeklerinden dzýudoçy gyzlar gatnaşdy.

2002-2004-nji ýyllarda doglan gyzlar 6 agram derejesinde bäsleşdiler. Olardan M.Bazarowa (44 kg.), Ç.Berdiýewa (48 kg.), M.Rejepowa (52 kg.), M.Çarygulyýewa (57 kg.), N.Amanowa (63 kg.), D.Ýollyýewa (+63 kg.) dagylar ukyplaryny görkezip I orny eýelemegi başardylar.

2005-2007-nji ýyllarda doglan gyzlar dört agram derjesinde ýaryşyp, R. Meýmanowa (40 kg.), O.Hudaýnazarowa (44 kg.), A.Hudaýberdiýewa (50 kg.), A. Rozyýewa, Z. Hojammedowa (+57 kg) dagylar I orna mynasyp boldular.

Gyzgalaňly geçen bu çempionat guramaçylar tarapyndan ýeňijilere baýrak gowşuryş dabarasy bilen jemlendi.

www.msy.gov.tm