2019-njy ýylyň 8-nji noýabrynda Özbegistanyň paýtagty Daşkent şäherinde woleýbol boýunça halkara ýaryşyna badalga berildi.

Ozal habar berşimiz ýaly, oňa Türkmenistanyň erkekler ýygyndysy hem gatnaşýar.  

11-njy noýabra çenli dowam etjek halkara ýaryşa türkmen woleýbolçylaryndan başga-da Özbegistanyň, Täjigistanyň ýygyndylary we Gyrgyz Respublikasynyň Yssyk-Köl welaýatynyň «Žany-Muun» topary gatnaşýar.

Türkmenistanyň erkekler ýygyndysy ilkinji duşuşygynda Täjigistanyň ýygyndysyny 3:0 hasabynda ýeňip, halkara ýaryşa ýeňiş bilen gadam goýdular.

Türkmenistanly woleýbolçylar öňdäki tapgyrlarda «Žany-Muun» topary bilen we Özbegistanyň ýygyndysy bilen duşuşarlar.