Birleşen Arap Emirlikleriniň paýtagty Abu-Dabide «Uly tuwulga» ýaryşynyň tapgyry bolan dzýudo boýunça halkara ýaryşy badalga alýar. Ýaryşa 104 döwletden 603 türgen gatnaşar.
Ýaryş başlamazynyň öňüsyrasynda metbugat konferensiýasy hem-de bije atyş dabarasy boldy. Bijäniň netijesi boýunça ýurdumyzyň dzýudoçylarynyň ilkinji garşydaşlary mälim boldy. Erkekleriň arasynda 90 kg çenli agram derejesinde Tejen Tejenow Niderlandlardan Ýesper Smink bilen tutluşar, zenanlaryň arasynda 52 kg çenli agram derejesinde çykyş edýän Gülbadam Babamuratowa bolsa ispaniýaly Anna Peres Boks bilen güýç synanyşar.
Penşenbe güni 24-nji oktýabrda zenanlaryň arasynda 48 kg, 52 kg we 57 kg çenli, erkekleriň arasynda 60 kg hem-de 66 kg çenli agram derejelerinde ýaryşlar geçiriler.
25-nji oktýabrda, hepdäniň anna güni zenanlar 63 kg we 70 kg çenli agramlarda, erkekler bolsa 73 kg we 81 kg çenli agramlarda bäsleşerler.
Şenbe güni 26-njy oktýabrda zenanlar 78 kg çenli we ondan hem ýokary agram derejesinde, erkekler bolsa 90 kg, 100 kg çenli we 100 kg-dan ýokary agramlarda güýç synanyşarlar.
