Gysga aralyklara ylgamak boýunça Olimpiýa oýunlarynyň sekiz gezek çempiony Useýn Bolt Tokionyň olimpiýa stadionynyň açylyşyna gatnaşar. Bu barada «www.sports.ru» saýty «www.insidethegames.biz» saýtyna salgylanmak bilen habar berýär.

New National Stadiumyň açylyşy 21-nji dekabrda geçiriler. Açylyş dabarasynda ýamaýkaly türgeniň nähili çykyş etmelidigi häzirlikçe näbelli, ýöne guramaçylaryň habar bermegine görä ol «henize çenli hiç ýerde geçirilmedik ýaryşda» çykyş eder. Bu stadionda 2020-nji ýylda geçiriljek Tomusky Olimpiýa oýunlarynyň açylyş we ýapylyş dabaralary, şeýle hem ýeňil atletika we futbol boýunça ýaryşlar geçiriler.