2019-njy ýylyň 26-njy sentýabrynda Russiýa Federasiýasynyň Anapa şäherinde kikboksing boýunça dünýä kubogy ugrundaky ýaryşa badalga berler.
Kikboksingiň full-kontakt görnüşinde Pygy Sylabow (60 kg) çykyş eder. Akmyrat Akyýew (67 kg), Goçmyrat Jumanyýazow (71 kg) we Ýazberdi Paýanow (57 kg) bolsa K-1 görnüşinde ýaryşa goşular.
Milli ýygyndymyzyň beýleki agzalary bolsa lou-kik görnüşi boýunça medallar ugrundaky göreşe girişerler. Bu ýerde Hajymyrat Geldimyradow (81 kg), Aýnazar Gylyjow (86 kg), Ýalkap Aşyrmyradow (57 kg), Mekan Begmämmedow (54 kg), Muhammet Altybaýew (60,5 kg), Merdan Mämmedow (71 kg), Toýlymyrat Ýegeleýew (67 kg), Yslam Rahmedow (71 kg), Şöhrat Ýagmyrow (75 kg) dagylar çykyş ederler.
Türkmenistanyň at gazanan tälimçisi Aleksandr Snagowskiniň tälim berýän türgenleri Anapa şäherine ýaryşdan birnäçe gün öň baryp, ol ýerde okuw-türgenleşik işlerine gatnaşdylar. Şeýlelikde, olar dünýä kubogynyň medallary ugrundaky tutluşyklara tutanýerli taýýarlyk gördüler.
