Türkmenistanyň çempionatlaryna taýýarlyk görmek we milli ýygyndynyň düzümine ýurdumyzyň welaýatlaryndan we Aşgabat şäherinden mynasyp türgenleri saýlap seçmek maksady bilen çeperçilik gimnastikasy boýunça Aşgabat şäheriniň açyk çempionaty geçirilýär.
Ýaryş Halkara gimnastika federasiýasynyň düzgünlerine we kadalaryna laýyklykda geçirilýär. Aşgabat şäheriniň sport we ýaşlar syýasaty Baş müdirliginiň guramagynda geçirilýän ýaryş 2019-njy ýylyň 10-13-nji oktýabrynda paýtagtymyzyň 13-nji sport mekdebiniň gimnastika sport desgasynda guralar.
Ýaryşa Daşoguz, Mary, Balkan welaýatynyň, Aşgabat şäheriniň 12-nji we 13-nji sport mekdepleriniň we klublaryň ýygyndylarynyň gatnaşmagyna garaşylýar.
Ýaryşyň ýeňijileri guramaçylar tarapyndan sowgatlar, medallar we Hormat hatlar bilen sylaglanar.
