20-nji sentýabrda Ýaponiýada meşhurlygy bilen futbol boýunça dünýä çempionatyndan we tomusky Olimpiýa oýunlaryndan soň 3-nji orunda durýan sport wakasy başlanýar.
Regbi boýunça dünýä çempionatynyň taryhynda 9-njy gezek geçirilýän Wiliam Webb Ellisiň Kubogyny almak ugrundaky ýaryşa yklymlaryň iň güýçli ýygyndylarynyň 20-si gatnaşýar. Ýaryş bir ýarym aý dowam eder.
Rowaýata görä, Ellis futbol oýny gidip duran wagtynda pökgüni eline alyp öňe ylgap başlapdyr, şondan soň sportuň täze bir görnüşi oýlanyp tapylypdyr.
Iňlis «pitneçisiniň» bu açyşyndan 200 ýyl geçenden soň dünýä ýüzüne ýaýranam bolsa, regbi Okeaniýada, Beýik Britaniýada we Günorta Afrikada eýýäm sportuň meşhur görnüşiniň birine öwrülipdi.
