Olimpiýa şäherçesiniň Ýeňil atletika sport toplumynda bowling boýunça Türkmenistanyň birinjiligini almak ugrunda ýaryş geçirildi. 3 günläp dowam eden ýaryşda ýeňiji bolan bowlingçiler Kuweýtde geçiriljek Aziýa çempionatyna  gatnaşmaga hukuk gazandylar.

Ýaryşyň birinji gününde şahsy görnüş boýunça erkekleriň arasynda birinjiligi Serdar Ataýew eýeledi.Ikinji we üçünji orunlary degişlilikde Serdar Myradow we Han Hangeldiýew paýlaşdylar. Zenanlaryň arasynda baýrakly orunlaryň üçlügini Nasiba Orazmedowa, Maýýa Abdrahmanowa we Eneş Kişikowa düzdi.

Ýaryşyň ikinji gününde geçen tapgyrda ýeňiji bolan türgenler jübüt topar bolup ýaryşdylar we erkekleriň arasynda birinjiligi Serdar Ataýew bilen Han Hangeldiýew altyn medala, Hudaýnazar Baýramkulyýew we Tahyr Hanmämedow kümüş medala, Serdar Myradow we Ahmet Abdyrahmanow dagylar hem bürünç medala eýe boldular.

  Zenanlaryň arasynda Nasiba Orazmedowa bilen Uzukjemal Toýlyýewa ýeňiji boldy. Roza Jumabaýewa we Eneş Kişikowa kümüş medaly eýeledi. Bürünç medal gowşurylýan münbere bolsa Maýýa Abdrahmanowa bilen Bahar Orazberdiýewa çykdy.

 Gün tertibiniň üçünji—jemleýji gününde garyşyk görnüşde ýaryşyň netijesi boýunça altyn medal Hudaýnazar Baýramkulyýew bilen Nasiba Orazmedowa nesip etdi. Ikinji ornuň şatlygyny Azat Ataýew bilen Bahar Orazberdiýewa paýlaşdylar. Bürünç medalyň eýesi bolsa Batyr Hanmämmedow bilen Roza Jumabaýewa boldy.

Ähli görnüşlerde altyn medal gazanyp, iň gowy netije görkezen türgen hökmünde Nasiba Orazmedowa tapawutlandy.

 Çeşme: «Нейтральный Туркменистан» gazeti.