2022-nji ýylda geçiriljek dünýä çempionatynyň saýlama ýaryşynyň çäklerinde Aziýa yklymynyň ýygyndylary nobatdaky – 2-nji tapgyryň duşuşyklaryny geçirdiler.
«H» toparçada çykyş edýän Türkmenistanyň ýygyndysy Koreýa Respublikasynyň ýygyndysyny kabul etdi. Bu oýun 0:2 hasabynda myhmanlaryň peýdasyna tamamlandy.
KHDR-iň ýygyndysy 2-nji tapgyrda myhmançylykda Şri-Lanka bilen duşuşdy. 1:0 hasabynda üstün çykan demirgazyk koreýaly futbolçylar 2 oýundan soň 6 utuk toplap, öz toparçasynda 1-nji orny eýeleýär.
3-nji tapgyryň oýunlary 10-njy oktýabrda geçiriler. Şol gün Türkmenistan myhmançylykda Liwan bilen duşuşar. Koreýa Respublikasy bolsa Şri-Lankany kabul eder.
