2030-njy ýylyň gyşky Olimpiýa oýunlary 2030-njy ýylyň 1–17-nji fewraly aralygynda Fransiýada geçiriljek halkara sport çäresidir. Oýunlaryň geçiriljek ýeri 2024-nji ýylyň 24-nji iýulynda Fransiýanyň Pariž şäherinde guralan HOK-nyň 142-nji sessiýasynda yglan edildi. XXVI gyşky Olimpiýa oýunlaryny geçirmek üçin Fransiýanyň Alp daglary saýlanyp alyndy.

Dalaşgärleri saýlamagyň täze tertibi HOK-nyň Lozannada geçirilen 134-nji sessiýasynda tassyklandy. 2024-nji ýylyň 24-nji iýulynda Fransiýanyň Alp daglary XXVI gyşky Olimpiýa oýunlarynyň geçiriljek ýeri hökmünde resmi taýdan tassyklanyldy.

2030-njy ýylyň gyşky Olimpiýa oýunlarynyň jemleýji maksatnamasy 2026-njy ýylyň 7-nji iýulynda çap edildi. Jemi 126 medal toplumy ugrunda bäsleşikler geçiriler. Munuň özi  2026-njy ýylyň gyşky Olimpiýa oýunlaryndaky görkezijiden 10 toplum köpdür.

Gyşky Olimpiýa oýunlarynyň taryhynda ilkinji gezek maksatnamada lyža boýunça iki görnüşli ýaryşlary bolmaz. Lyža sport görnüşleri federasiýanyň adynyň üýtgedilmeginden soň lyža sporty we snoubord diýen umumy at bilen çykyş ederler.