Türkmenistanyň Futbol federasiýasynyň Arkadag şäheriniň Bilim müdirligi bilen bilelikde guramagynda Arkadag şäherindäki orta mekdeplerde bilim alýan mekdep okuwçylarynyň gatnaşmagynda geçirilen futzal bäsleşiginiň jemleri jemlenildi. 

Ýaş derejeleriniň ikisinde geçirilen bäsleşigiň jemleri boýunça 6-7-nji synpda okaýan okuwçylaryň arasynda birinji orny Arkadag şäherindäki 2-nji orta mekdebiň 1-nji topary eýeledi. Bu topar final duşuşygynda öz mekdepleriniň ikinji toparyndan üstün çykdy.

8-9-njy synpyň okuwçylarynyň arasyndaky bäsleşigiň jemi boýunça birinji, ikinji orunlary degişlilikde 3-nji orta mekdebiň 1-nji hem-de 2-nji toparlary eýelediler.

Bäsleşigiň ahyrynda baýrakly orunlara mynasyp bolanlar Hormat hatlary hem-de medallar bilen sylaglandylar. 

«Türkmen sporty» gazeti